

D4342

།པཎྜིཏ་རྣམ་པར་གྲགས་པའི་ལྷས་ཐུགས་རྗེ་ཆེན་པོ་ལ་གྲུབ་པ་ཐོབ་པའི་གཏམ་རྒྱུད་པཎྜིཏ་བི་ན་ཡཤྲཱི་མིཏྲས་བསྒྱུར་རོ།།[་]@##། །ན་མོ་ལོ་ཀེ་ཤྭ་ར་ཡེ། ཤིང་བཟོ་བས་གྲུབ་པ་ཐོབ་པ་ནི། ཛ་ག་ཏ་ལར་གར་ལོག་བྱུང་བའི་ཚེ་མི་ རྣམས་ཀྱིས་ཤར་ཕྱོགས་བྷཾ་ག་ལར་བྲོས་སོ།།ལམ་ཀན་ཤིང་བཟོ་བའི་བུ་ཅིག་ཡོད་པས་མཐོང་ནས་བྲོས་པའི་དགེ་འདུན་རྣམས་ལ་བརྐྱང་ཕྱག་བཙལ་ཞབས་སྤྱི་བོར་བླངས། བསྙེན་བཀུར་བྱས་སྐད། དེར་དེ་ལྟར་བྱས་པའི་རྒྱུ་མཚན་དྲིས་པས། དེ་ན་རེ་བ་དག་གི་ཕ་དད་པ་ཆེ་པས། །རབ་བྱུང་ ཅིག་ལ་བསྙེན་བཀུར་བྱས།དེས་ཀྱང་ཐུགས་རྗེ་ཆེན་པོའི་སྒོམ་བཟླས་བོག་ནས་ཉམས་སུ་བླངས། དུས་རིང་ཞིག་ན་ནད་ཀྱིས་བཏབ་ནས་ཤི་སྟེ་དུར་ཁྲོད་དུ་ཤིང་བརྩིགས་ཏེ་དཀྱིལ་དུ་བཅུག་ནས་མཐའ་ནས་མེ་སྦར་བ་དང་ཐོན་བྱུང་། དེར་དྲིས་བས་ང་ཁྱིམ་དུ་ཐེག་བཤད་དོ་ཞེས་ཟེར་རོ། ། དེར་བཏེག་ནས་སྨྲས་པ། ང་གཤིན་རྗེའི་སྐྱེས་བུ་ཤིན་ཏུ་འཇིགས་པ་བཞིས་ཁྱེར་ནས་དམྱལ་བའི་གནས་སུ་བཀུམ་པ་ན་ར་ཀའི་ནང་མེས་གང་བར་བཅུག་པ་དང་། དེར་བཀུམ་པ་ནར་ཀ་ཁ་ཟུམ་ནས་མ་ཚུད་ཕྱིར་བསྐྱེད་པ་དང་། ཁ་བྱེ་ནས་བྱུང་། ཡང་ཡང་དེ་བཞིན་དུ་བྱུང་བས་སྐྱེས་བུ་བཞི་བོ་འཇིགས ནས་གཤིན་རྗེ་ཆོས་ཀྱི་རྒྱལ་པོ་ལ་དྲིས་པས།དེ་ན་རེ་འདིར་སྐྱེ་བའི་རྒྱུ་ཟད་ཐུགས་རྗེ་ཆེན་པོའི་བུ་ཡིན་ང་ཅིག་ཅར་སྐྱོལ་ཞེས་ཟེར་ནས་བསྐྱལ་བ་དང་ངའི་ནད་དྲག་འདུག་ཅེས་ཟེར་རོ། །དེ་ཕྱིར་རབ་ཏུ་བྱུང་བ་མཐོང་ཚད་ལ་བརྐྱང་ཕྱག་འཚལ་ཞིང་བསྙེན་བཀུར་བྱེད། བྱ་བ་ཐམས་ཅད་བཞག་ནས་སྒོམ་བཟླས་ ་བྱེད་པ་ཅིག་བྱུང་།